حاولى_اقروا للآخر ماتزهقوش وحد يزهق من كده

حاسسها ضلمة
خلاص زهقت من نفسك

نفسك تتغير مش عارف
طب سؤال

انت صادق

يعنى فعلا نفسك
والا انت عجبك حالك كدا

وبتقول زى ماكلهم بيقولوا
والله نفسى أتوب

فعلا نفسك تتوب
والا انت مش عايز تتوب

عجبك تقصيرك

طب خلاص بسيطة
قول يارب بصدق كدا

قول يارب الصراحة

انا ممكن يكون الذنب الفلانى يُهيأ لى انه بيسعدنى
فأنا حاسس انى مش عايز اتوب منه

بس عشان ترضى عنى
لازم اسيبه

ارزقنى رغبة فى انى اسيبه

وصلت

ممكن فعلا تكون مش قادر تتوب لانك مش عايز أصلا

فمتكدبش

قول مش عايز
بس يارب ارزقنى توبة

وعدت كتييييييييير أوى
وأخلفت

وعاهدت كتير كتير
وموفتش

شكلك وحش أوى

وشكلى انا أوحش :(

وحش أوووووووووى

اما تلاقى نفسك بتتخبط فى كل شىء
مترنح فى غيبوبة

وربنا يسامحهم
اللى عمالين ينفخوا فى التزامك ودينك

وبسببهم بقا فيه غشاوة على عنيك
وفى قلبك قسوة

ياااااااااااااه

أنا مكنتش كدا زمان
كنت زمان أبسط تقصير يبكينى الليالى الطوال

طب فكر شوية

أنا ليه بقيت كدااااااا ؟؟؟!!!
وعايز اتخلص من كدا؟؟

أعمل ايه؟؟؟

بسيطة

بالليل

سكون

وضلمة

متخفش

هتأنس به سبحانه جل فى علاه

قوم اتوضى

بس مش زى كل وضوء

لا بجد

سمى الله
وحس انك وانت بتغسل أعضائك فى الوضوء

انك فعلا بتغسلها من بلاوى ارتكبتها
أسبغ الوضوء

ولا تنس الدعاء بعده

وووووو

روح لمحرابك

سجادة الصلاة

قبل ما تكبر

بصلها شوية كدا

ياااااااه من زمان لم أرتمى عليك بصدق

ماانا بصلى كل يوم

بس بقالى كتير محستش بمعنى السجود كدا وانا منكسر

خلاص تأملتها

حسيت بافتقادها

هتكبر

لا استنى

قبل ما تكبر

دقيقتين
او خمسة

تفتكر انت عملت ايه
وقصرت فى ايه

ياه ياما استهنت بنظر ربنا ليا

ياما تهاونت فى الكلام مع من لا تحل / لا يحل ...لى

وهزرت وضحكت كدا وعادى وعدت

عدت عليا

بس كل شىء مكتوب

طب خلاص

أنبت ضميرك

تمام

مش عايز بقا قلبى فى الصلاة يزوغ منى

طب هذكر ربنا شوية عشان أقطع على نفسى الشواغل

ذكرت ربنا

تمااااااام

أكبر

ماشى هتكبر ازاى

ايوا كدا

وانت بتكبر استشعر انك بترميها ورا ضهرك

مهموم بايه وايه وكذا وكذا

ارمى ورا ضهرك

واستشعر بقا

انك مش فى الارض

وابدأ رتل

رتل

مش تكروت القراءة

ادى الحرف حقه

واستشعر

الحمد لله

أيوه الحمد لله اوووووووى

انا دلوقتى بين ايديه

وغيرى غارق فى بحر الدنيا

رب العالمين

هخاف من ايه
ربى وربهم

يارب ربينى يارب

الرحمن الرحيم

رحمته واسعة أكيد مش هيردنى

مالك يوم الدين

ياه ضيعت حقوق ناس كتير
وحق ربنا
ويوم الدين ... حساب
استرها معايا يارب

اياك نعبد

مليش غيرك
لا بدوى ولا دسوقى ولا حسين
اياك وبس
حياتى كلها ليك

واياك نستعين

انا عاجز فقير
نفسى
ونفسى
ونفسى

بس من غيرك مش هقدر
ساعدنى

اهدنا الصراط المستقيم

لا تزغ قلبى فى لجاج بحر الدنيا
أنا مسلم سنى
ثبتنى
الفتن خطافة
اعصمنى

صراط الذين أنعمت عليهم
غير المغضوب عليهم ولا الضالين

احشرنى مع من انعمت عليهم
وقنى صراط المغضوب عليهم والضالين

آمين

استجب ربى

طب وهتقرا سورة تانية
بترتيل
واستشعار
وتدبر

وهتكبر للركوع
اركع بقا

وقبل ماتركع
ماتنساش قلبك كمان يركع
طيب ركعت

سبحان ربى العظيم
بتأنى

بلاش كروتة

سبوح قدوس رب الملائكة والروح

بهدوء وسكينة

قبل ماترفع م الركوع

استشعر انك راكع
لرب عظيم
وحس بقا بذلك جمب عزته

طيب هترفع

برمى الدنيا تانى
اللهم ربنا ولك الحمد
حمدا طيبا مباركا فيه
ملء السموات وملء الأرض
وملء مابينهما
وملء ماشئت من شىء بعد
أحق ماقال العبد
وكلنا لله عبد
اللهم لا مانع لما أعطيت (محدش يقدر يمنع عنى خيرك)
ولا معطى لما منعت (كله بأمرك)
ولا ينفع ذا الجد منك الجد

لسة قائم

طيب هسجد
ومتنساش تجيب قلبك
يسجد معاك

وتهوى للسجود
واستشعر بقا انك عبد

ساجد على وجهك وأنفك وكفيك (الاصابع مضمومة)

وركبتيك وأصابع رجليك (باتجاه القبلة)

سبحان ربى الأعلى

ايوه
ياه
يارب انت الاعلى

سبوح قدوس رب الملائكة والروح

طيب عايز تدعى
وتفضفض

بحرررررررية

مخنوق بدموعك
ابكى هنا محدش هيتريق عليك

واتنازل شوية بقا عن الكبرياء ده

ابكى وقول كل اللى نفسك فيه

واستشعر انك ساجد كلك
كل خليه فيك ساجدة

كلك بين يد الله

واستشعر انه اختارك انت للصلاة بين ايديه فى الوقت ده

يارب

اللهم

عوووووووووودة

و

قوووووووووووية

هدانا الله جميعا
وثبتنا جميعا
وردنا اليه جميعا مردا جميلا لا مخز ولا فاضح

اللهم آمين
لا تنسونى وأهلى من صالح دعائكم

منقوووووووول ....
عن اختى هبه راجي دعواتنا جميعا لها بالخير

جزاك الله خيرا يا حلواني انتي وهبه بجد
موضوع من اجمل المواضيع اللي قريتها
اللهم انا نسالك التوبة النصووووووووووح
اللهم ارزقنا التوبق قبل الموت
اللهم انا نسالك من خشيتك ما يحول بيينا وبين معصيتك
ومن طاعتك ما تبلغنا به جنتك
بجد يا جماعة
عايزين كلنا نشجع بعض على القيام
ها هنقدر ولا ايه النظام بالظبط؟؟؟

صلو على النبي يا شماليل
صلى الله عليه وسلم

اللهم آمين يا لوسي
ربنا يكتبلنا جميعا الخير
ودعواتكم بجد لهبه راجي ان شاء الله ربنا ييسرها امرها ويكتبلها من الخير كله ويرضيها بيه

شكرا اكتير ندوشه وهو فعلا من احلي مواضيع المنتدي

اللهم اني اسالك العفو انك انت العفو الكريم

جزاك الله خير يا نونو على مرورك
وربنا يستجيب منك يا جميل

جزاك الله خيرا يا ندى

ولاهى كلامك اصر فيا

ده الكافر لو قرأ اللى انتى كتباه

هيبقى مسلم ولاهى

جزاك الله كل خير

جزاك الله كل خير وبارك الله فيك

واياكم جميعا يارب
وشكرا على مروركم نفعنا الله بكم ونفعكم بنا

بجددددددددددد مشاء الله الله اكبر عليكى بجد ميرسي جدا موضوع بجد حلو اوى يارب اهدينا يارب

اللهم آمين يا هنوده
منورة يا جميل وربنا ينفعنا بيكي وينفعك بينا

موضوع جميل اوى يا ندى
جزاكى الله خيرا
ويجعله فى ميزان حسناتك يارب

واياكم يا بيرو يا قمر
ودعواتكم لهبه راجي ربنا يكتبلها الخير ويوفقها ليه
هي اللي بعتتلي الموضوع الجميل ده
ربنا يكرمنا جميعا ويجازيها عنا خير الجزاء

جزاك الله خيرا يا ندى
بجد انتي مواضيعك حلوة اوي اوي
شكرا جدا على الموضوع بجد

شكرا ودي اول مساهماتي في المنتدى

هو انت ولد

محشش ودايخ

الترفيه تحشيش

اكيد فى حاجة غلط

لو كنت ولد

فالمنتدي للبنات فقط

لو كنت ولد احب اقولك

مش مكسوف من نفسك

لما يتقال عليك

شملولة صغنونة