ادخل عشان تدحك

كوميديا ساخرة
أو زي ما بيقولو شر البلية ما يضحك
يارب تعجبكم
المشهد الأول في قصر الملك شهريار والناس عاملة مظاهرة برة

شهريار : ايه يبني أنت وهو الدوشة اللي برة دي؟ 00 هو الواحد ميعرفش يرتاح في قصره شوية؟00 إندهولي وزير المخروبة دي00
الوزير : دي الناس عاملة مظاهرة برة يا سعادة الباشا السلطان
شهريار : ليه بأه أن شاء الله ؟؟؟
الوزير : ميش لاقيين عيش
شهريار : طب قول للأفران تخبز عيش
الوزير : مهو الفرانين عاملين مظاهرة هم كمان
شهريار : ليه تاني ؟
الوزير : مفيش دقيق
شهريار : قول للمطاحن يطحنو شوية قمح
الوزير : نفس المشكلة سعادتك مفيش قمح
شهريار : يا عم ما تخلي الفلاحين تزرع شوية قمح دنت فقري أوي
الوزير : ما هم بأه الفلاحين اللي عاملين مظاهرة وسايبين الزرع عشان ميش لاقيين عيش
شهريار : آآآآآآآآآآآآآآآآه طب أصرفلهم عيش من المخازن
الوزير : مهي فاضية سعادتك من ساعة المظاهرة الاولى
شهريار : خلاص أصرف لكل واحد كارت شحن من أبو خمسة وعشرين 00 ول أقولك خليه من أبو عشرة جنيه
الوزير : أمرك يا سعادة الباشا
شهريار : تعالى هنا صحيح 00 جبتلي عروسة النهارده ول ايه النظام ؟؟؟
الوزير : هنشوف يا باشا
شهريار : طب أستنضف بأه ميش زي ليلة أمبارح
الوزير : مهو مفيش بنات يا باشا في البلد 00 الناس كلها بعتت بناتها للبلاد التانية
شهريار : طب أنت ميش عندك بنت ؟؟؟
الوزير : اه 00 شهرزاد يا باشا
شهريار : طب هتجوزها 0000 روح يللا مالك متسمر كده ليه

**********(( وفي قصر الوزير ))**********
الوزير : يا بنتي أسمعي كلامي يللا ناخد أول طيارة على بره
شهرزاد : لا يا بابا سيبني أحاول معاه
الوزير : يا بنتي أنا شايل قرشين حلوين في سويسرا هيعيشونا ملوك
شهرزاد : قلت لأ 00 لو عايز تخلع أنت أخلع لوحدك
الوزير : منا عامل كده عشانك أنتي
شهرزاد : طب وعشاني أنا أقعد وشوف أنا هعمل ايه
الوزير : أما نشوف بس ربنا يستر والله انا خايف عليكي

**********(( وتم الزفاف سريعا وفي أوضة النوم الملكية ))**********
شهريار : أنتي مالك فرحانة كده ليه دنتي هتموتي الصبح ؟؟
شهرزاد : منا عارفة !!
شهريار : عارفة ومبسوطة كمان ؟؟؟
شهرزاد : آه
شهريار : هو الوزير مخلف عيلة هبلة ول ايه ؟؟
شهرزاد : يا عم ما كلنا هنموت
شهريار : آه صح بس أنتي هتموتي بكرة
شهرزاد : وانت هتموت أمتى يعني يا فتك؟؟
شهريار : الله أعلم
شهرزاد : منت ممكن تموت قبلي
شهريار : بقولك ايه أنا مصهلل النهاردة وميش طالبه معايا نكد 00 حد يقول لسلطان في ليلة فرحه أنت هتموت قبلي ؟؟
شهرزاد : يعني حد يقول لعروسة في ليلة فرحها هتموتي بكرة أنت كمان ؟؟
شهريار : عندك حق أنا هنام بأه
شهرزاد : نعم يخويا 00 أنت متجوزني عشان تنام وتموتني ؟
شهريار : يووه خلاص خدي الريموت عندك فيلم أجنبي حلو عالنايل سات والأوربت فيها فيلم عربي جميل برده
شهرزاد : لا يا عم ميش عايزة تليفزيون
شهريار :أوفففففففففففف أمال عايزة أيه بأه 00 أحكيلك حدوته ؟؟
شهرزاد : لا أحكيلك أنا يا شوشو
شهريار : طب أحكي يا ستي وصدعيني
شهرزاد : ولو عجبتك تسيبني متموتنيش بكرة
شهريار : لو معجبتنيش هموتك دلوقتي ولو عجبتني هسيبك للصبح
شهرزاد : طب أسمع الأول وبعدين أبقى نؤ
شهريار : قولي يا ختي
شهرزاد : بص يا عم بيقولك مرة واحد 000
شهريار : أنتي هتحكي حدوته ول نكته ؟؟؟؟
شهرزاد : اهمد بأه أنت ميش ليك حدوته 00 أسمع للآخر بأه
شهريار : ماشي قول يا عم علي بابا 00 أوعى تكون بتاعت علي بابا ؟؟
شهرزاد : لا دي قصة واحد فقري
شهريار : اه كده لايقة عليكي مهي ليلة باينة من اولها
شهرزاد : بص يا سيدي وما ستك إلا أنا
شهريار : خدي راحتك00 خدي راحتك 00 منتي كده كده ميتة بكرة
شهرزاد : يا عم متفولش أياكش أنت تسبق 00 بص يا عم بيقولك مرة واحد فقري أوي كان ماشي الصبح ورايح يجيب فطار لعياله حلو الكلام
شهريار : (( بملل )) كملي كملي 00
شهرزاد : فهو بيعدي جسر كدة وبيبقى معاه سلطانية بيجيب فيها الفول بتاع الفطار المهم وقع من على الجسر ده في قلب الميه 00 وقع فين ؟
شهريار : أخلصي يا حجة بأه هو أنتي بتحكي لعيل صغير ؟؟
شهرزاد : ماشي ياعم العجوز 00 المهم نزل تحت الميه ناس أخدوه تحت أوي كمان لقى بلد كاملة 00
شهريار : (( بأهتمام بس ميش عايز يبين )) كل ده تحت الميه ؟؟؟
شهرزاد : ااااااااه وأخدوه عالملك بتاعهم كمان اواااااااااااااااااااااااه (( بتتاوب ))
شهريار : كملي بسرعة بأه
شهرزاد : لا يا عم أنا عايزة أنام
شهريار : يا بت كملي بأه متزهقينيش
شهرزاد : أزهق
شهريار : هتخليني أتعفرت
شهرزاد : على نفسك
شهريار : يا مسرور (( قصده عالسياف ))
مسرور السياف : أمرك يا باشا السلطان
شهريار : طير رقبتها
شهرزاد : يللا يا مسرور طير وخلصني وأبقى كمل له أنت الحدوته بأه
شهريار : أستنى يا ابني أنت لما صدقت 00 يللا روح أنت دلوقتي
مسرور السياف : أمرك يا سعادة الباشا السلطان
شهريار : طب ماشي مجتش من يوم أنا ممكن أجيب أي حد يحكيهالي 00بس يللا هسيبك وبكرة تخلصي الحدوتة وأطير رقبتك ادخل عشان تدحك H035

منقوووووووووووول

لا تعلييييق